10 km hlaupið hefur verið vinsælasta vegalengdin í Reykjavíkurmaraþoni frá árinu 2005. Vegalengdin var í fyrsta sinn í boði í 10. hlaupinu árið 1993 en þá tóku 1.131 þátt. Undanfarin ár hafa þátttakendur verið yfir 7000 talsins. 

10 km hlaupið er ætlað fyrir alla sem verða 12 ára á árinu, einstaklingar fæddir árið 2011 og áður geta tekið þátt í 10 km hlaupi Reykjavíkurmaraþons Íslandsbanka. Ekki er æskilegt að yngri börn taki þátt. 

Skráning í 10 km hlaup fer fram á vef Reykjavíkurmaraþons. Smellið hér til að fá nánari upplýsingar um skráningu í Reykjavíkurmaraþon Íslandsbanka. Þátttakendum er ekki heimilt að hafa meðferðis kerrur eða vagna, sjá reglu 13. í reglum hlaupsins hér.

Hlaupið hefst eins og aðrar vegalengdir Reykjavíkurmaraþons í Sóleyjargötu og endar í Lækjargötu fyrir framan Menntaskólann í Reykjavík. 

Sóleyjargata, Njarðargata, Sturlugata, Sæmundargata, Eggertsgata, Suðurgata, Lynghagi, Ægisíða, Nesvegur, Suðurströnd, Lindarbraut, Norðurströnd, Eiðsgrandi, Ánanaust, Mýrargata, Tryggvagata, og Lækjargata.

Hlaupaleiðin er mæld samkvæmt stöðlum AIMS (alþjóðleg samtök hlaupa) og viðurkennd af Frjálsíþróttasambandi Íslands.

Sjálfvirk tímataka er í maraþoninu og þurfa allir sem taka þátt að hafa númer með áfastri tímatökuflögu til að fá skráðan tíma. Smellið hér til að skoða nánari upplýsingar um tímatöku.

Allir hlauparar sem koma í mark fá verðlaun auk þess sem fyrstu þrír karlar, konur og kvár fá sérstök verðlaun. Sjá nánari upplýsingar um verðlaun hér.

Keppt er í níu aldursflokkum karla, kvenna og kvára og fær fyrsti hlaupari í hverjum flokki verðlaun. Sjá nánar hér.

10 km hlaup

Samstarfsaðilar