Skráningarhátíð í Laugardalshöll
21. ágúst 2019

Allir skráðir þátttakendur þurfa að koma við á skráningarhátíð Reykjavíkurmaraþons Íslandsbanka í Laugardalshöll til að sækja skráningargögn fyrir hlaupið á laugardaginn. Einnig verður hægt að skrá sig á hátíðinni, forskráningu á vefnum er lokið. Afgreiðslutími er fimmtudag kl.15:00-20:00 og föstudag kl.14:00-19:00.

Í skráningargögnum má m.a. finna hlaupanúmer sem allir þátttakendur þurfa að festa framan á sig og frímiða í eina af sundlaugum Reykjavíkur á hlaupdag eða daginn eftir hlaup. Tímatökuflagan er innbyggð í hlaupanúmerinu í ár og því þurfa þátttakendur í tímatökuvegalengdum ekki að festa flögu í skóreimarnar. Mjög mikilvægt er að brjóta ekki númerið og passa þarf uppá að hafa það vel sýnilegt að framan þegar farið er yfir tímatökumotturnar. Sjá nánar hér.

Þau sem ekki komast að sækja gögnin geta sent fulltrúa sinn á staðinn sem hefur upplýsingar um nafn og kennitölu, ekki þarf að framvísa kvittun.

FIT&RUN - stórsýning fyrir alla fjölskylduna

Stórsýningin FIT & RUN 2019 er haldin samhliða skráningarhátíð hlaupsins. Sýning er fyrir alla fjölskylduna þar sem áhersla er lögð á undirbúning hlaupara fyrir Reykjavíkurmaraþon Íslandsbanka, almenna hreyfingu, heilsufæði, fatnað, skóbúnað og aðrar stuðningsvörur hlauparans ásamt skemmtilegum uppákomum. Frítt er inná sýninguna og er hún öllum opin. Hér má finna upplýsingar um sýnendur. Hvetjum alla til að gefa sér tíma til að skoða spennandi vörur og þjónustu eftir að hafa náð í hlaupagögnin.

Hlauparar á Skothúsvegi

Deila þessari frétt
Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.