Verðlaunapeningur 2019
12. júlí 2019
Verðlaunapeningurinn 2019

Reykjavíkurmaraþon Íslandsbanka fer fram 24. ágúst næstkomandi og nú þegar hafa rúmlega sjö þúsund skráð sig til þátttöku. Áheitasöfnunin á hlaupastyrkur.is gengur vel og er búið að safna rúmlega 17 milljónum króna til góðra málefna.

Nýr og glæsilegur verðlaunapeningur lítur dagsins ljós í ár. Í forgrunni hans er Perlan sem er eitt af kennileitum Reykjavíkur og sést vel á maraþonbrautinni. Hönnuður verðlaunapeningsins er sjálfur hlaupari og hefur margoft tekið þátt í Reykjavíkurmaraþoni Íslandsbanka.

Í fyrra var Hallgrímskirkja í forgrunni og er stefnt að því að hafa nýtt kennileiti úr maraþoninu á verðlaunapeningnum fram að 40 ára afmæli hlaupsins árið 2024.

Verðlaunapeningur Reykjavíkurmaraþons Íslandsbanka 2019

Deila þessari frétt
Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.