Ég hef notið góðs af þessu frábæra félagi frá stofnun þess árið 2018 eftir að ég missti pabba minn 2016 og er sjálfur sjálfboðaliði hjá Erninum í dag.

Minningar- og styrktarsjóðurinn Örninn býður upp á helgardvöl og mánaðarlegar samverur fyrir börn og unglinga sem hafa misst foreldri eða annan náin ástvin. Þar vinnum við sorgarúrvinnslu, fáum fræðslu um ýmislegt tengt áföllum og missi ásamt því að hafa gaman saman og njóta lífsins. Samverurnar eru þátttakendum að kostnaðarlausu en verkefnið reiðir sig á styrki auk þess sem allir starfsmenn eru sjálfboðaliðar.