Sorgarmiðstöð er félag sem starfar í almannaþágu, án hagnaðarsjónarmiða og býður stuðning, fræðslu og ráðgjöf til syrgjenda og þeirra sem vinna að velferð þeirra. Við leggjum áherslu á að mæta fólki á persónulegan og hlýjan hátt. Meðal þess sem hefur gagnast fólki vel í sorgarúrvinnslu er að taka þátt í stuðningshópastarfinu okkar. Þú finnur þinn hóp undir „stuðningshópastarf“ á heimasíðunni www.sorgarmidstod.is Sorgarúrvinnsla miðar að bættri lýðheilsu með því að efla og styðja við andlega, líkamlega og félagslega heilsu fólks eftir ástvinamissi. Sorgarmiðstöð bendir einnig á aðildarfélög sín: Ný Dögun, Gleym mér ei og Ljónshjarta. Hægt er að hlaupa fyrir öll þessi félög og styðja þannig við bakið á syrgjendum sem eru að fóta sig á ný í breyttu lífi.