Góðgerðamál
Fimm konur í bolum merktu Ljósinu á marksvæði hlaupsins í Lækjargötu

Áheitasöfnunin hefst janúar á svipuðum tíma og skráning hefst í hlaupið. Opið verður fyrir skráningu áheita til miðnættis mánudaginn 24.ágúst 2020.

Áheitasöfnun í tengslum við Reykjavíkurmaraþon Íslandsbanka 2020 fer fram á hlaupastyrkur.is líkt og undanfarin ár.

Hlauptu til góðs

Allir þátttakendur í Reykjavíkurmaraþoni Íslandsbanka geta tekið þátt í áheitasöfnuninni. Sjá nánar hér.

Skráning góðgerðafélaga

Skráning góðgerðafélaga í áheitasöfnun Reykjavíkurmaraþons Íslandsbanka 2020 hefst 7. janúar. Félög sem tóku þátt í söfnuninni í fyrra fá póst þar sem þau eru hvött til að skrá sig aftur til þátttöku. Ný félög sem hafa áhuga á að taka þátt í áheitasöfnuninni er bent á að senda upplýsingar um nafn, kennitölu og bankareikning félags á netfangið [email protected]. Sjá nánar hér.

Áheitasöfnunin 2019

Árið 2019 var slegið nýtt met í áheitasöfnun Reykjavíkurmaraþons Íslandsbanka þegar hlauparar söfnuðu 167.483.404 krónum til 181 góðgerðafélags á hlaupastyrkur.is. Heildarupphæð áheita sem hafa safnast í tengslum við Reykjavíkurmaraþon Íslandsbanka frá því áheitasöfnun hófst árið 2006 er nú komin í tæplega 990 milljónir.

Þau félög sem safnaðist mest fyrir árið 2019 voru Ljósið 15 milljónir, Styrktarfélag krabbameinssjúkra barna 11,3 milljónir og Alzheimersamtökin 6,5 milljónir. 137 af þeim félögum sem safnað var fyrir fengu meira en 100.000 krónur í sinn hlut, 42 félög fengu meira en milljón og 7 félög meira en 5 milljónir. Smellið hér til að skoða lista yfir öll góðgerðafélögin sem upphæðir söfnuðust til.

Olga Katrín Davíðsd. Skarstad safnaði mest allra einstaklinga, 1.400.000 krónur fyrir Vinir Ólavíu – Styrktarfélag. Olga Katrín fékk einnig flest áheit, 240 talsins. Arnar Hallsson safnaði næst mest, 1.027.100 krónur fyrir CMT4A Styrktarsjóð Þórdísar. Í þriðja sæti einstaklinga var Agla Sól Pétursdóttir sem safnaði 959.000 krónum fyrir Styrktarfélag krabbameinssjúkra barna (SKB). Sá hlaupahópur sem safnaði mestu var Vinir Ólavíu en þau söfnuðu 3.886.000 krónum og fyrirtækjahópurinn sem safnaði mestu var Deloitte sem safnaði 851.265 krónum.

Alls bárust 38.539 einstök áheit í söfnun Reykjavíkurmaraþons Íslandsbanka á hlaupastyrkur.is í ár og var meðal upphæð áheita 4.346 krónur. Flest áheit voru greidd með greiðslukortum eða 25.297 talsins og næst flest með SMS skilaboðum, 10.305 áheit. Einnig var hægt að greiða með Kass appinu og þá voru nokkur fyrirtæki sem greiddu með millifærslu, samtals 2937 áheit.

Smellið hér til að skoða helstu tölfræði söfnunarinnar 2019 á hlaupastyrkur.is.

Skjámynd af vefsíðunni hlaupastyrkur.is

Samstarfsaðilar
  • Merki Korta

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með fimm stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.