Við, synir Jóns Ágústssonar(JÁ), fjölskylda og vinir ætlum að hlaupa mislangar vegalengdir fyrir MND félagið.

Pabbi var hraustasti maður sem við þekktum. Hafði hvorki reykt né drukkið allt sitt líf, gekk á fjöll og jökla og dýrkaði alla útivist. Til að lýsa hversu hraustur hann var þá setti hann sér það markmið árið 2019 að hjóla 200 km á viku, það tókst og rúmlega það og endaði hann í 10.840 km eftir árið.

Í fyrra greindist hann með taugahrörnunarsjúkdóminn MND og á ógnarhraða missti hann getuna til að hreyfa sig, borða og tala. Í maí á þessu ári lést hann af völdum sjúkdómsins.

MND er ólæknandi sjúkdómur sem allir geta fengið. Þess vegna viljum við styrkja MND samtökin en þau styrkja vísindalegar rannsóknir á MND og standa við bakið á fólki með sjúkdóminn og fjölskyldum þeirra.