Við hlaupum til styrktar Grensásdeildar Landspítalans, en Kolbrún er þar í endurhæfingu eftir að hafa fengið heilablóðfall þann 20. júní sl. 

Þessi spræka kona sem naut þess að hreyfa sig í golfi, blaki og dansi, fljúga flugvélum, syngja og spila á gítar, tefla og leika við barnabörnin stendur nú frammi fyrir nýjum veruleika og á stórt verkefni fyrir höndum.

Það er okkur fjölskyldunni því mikil hvatning að hlaupa fyrir Kollu og styðja við það mikilvæga starf sem er unnið á Grensás.