Ég ætla að hlaupa fyrir rokkbúðir í Tógó! 10k er alveg slatti fyrir mig með leiðinlega vinstri fótinn og áreynsluastmann, en þetta snýst auðvitað bara um að gera sitt besta. 

Samtökin Læti! / Stelpur rokka! fjármagna og styðja við tónlistarsumarbúðir fyrir stúlkur í Tógó í Vestur-Afríku ásamt rekstri tónlistarmiðstöðvar í höfuðborginni Lomé. Fyrstu rokkbúðirnar voru haldnar árið 2016 og skipa þær æ mikilvægari sess í samfélaginu með hverju árinu. Búðirnar fara stækkandi með hverju sumri, nú koma yfir 50 stúlkur í hvert sinn. Við ætlum að renna enn sterkari stoðum undir starfið og gera rokkbúðunum í Tógó kleift að halda áfram að þróast í takt við aðstæður og þarfir stúlkna þar í landi. 

Gerum ungum tógóskum stúlkum kleift að hafa rými til tónlistarsköpunar, rými sem er oftast ætlað drengjum, og sköpum jákvætt, styðjandi og hvetjandi andrúmsloft þar sem þær geta tjáð sig frjálslega!