Hlauparar
Samtals Safnað
Markmið
Hæ, ég heiti Bjartur Stefán og hef verið í Einstökum Börnum frá því ég fæddist.
Mig langar að hlaupa til þess að sýna sjálfum mér og öðrum að allt sé hægt og það sé aldrei í boði að gefast upp. Í leiðinni vil ég styrkja frábær samtök sem styðja við verðugt málefni.
Takk fyrir stuðninginn og sjáumst við endamarkið í ágúst!
Einstök börn Stuðningsfélag
Einstök börn er stuðningsfélag barna með sjaldgæfa, alvarlega sjúkdóma. Félagið var stofnað þann 13. mars 1997 af foreldrum 13 barna, sem áttu ekki heima í neinum öðrum starfandi félagasamtökum. Í dag eru um hátt í 700 fjölskyldur í félaginu, og sumar fjölskyldur eru með fleiri en eitt langveikt barn. Það eru yfir 500 ólíkir sjúkdómar á skrá í félaginu, sem eiga það sameiginlegt að vera langvinnir og hafa varanleg áhrif á lífslíkur barnanna, og lífsgæði barnanna og fjölskyldna þeirra. Í erfiðustu tilfellunum er það vitað með vissu að börnin munu ekki lifa fram á fullorðinsár. Rekstur félagsins er þungur þar sem fjölgun hefur verið mikil, þörf á þjónustu og úrræðum stór aukist og mikil orka fer í að aðstoða foreldra við að leita að aðstoð og finna úrræði sem henta börnum þeirra þar sem kerfið er flókið.
Nýir styrkir