Hlauparar
Samtals Safnað
Markmið
Ákjósanleg greiðsluleið
Hákon Örn Hafþórsson heiti ég og er fjögurra barna faðir á Akureyri. Ég starfa sem forvarna- og félagsmálaráðgjafi hjá Akureyrarbæ og eyði mínum helstu frístundum með fjölskyldunni. Í ár ætla ég að hlaupa til styrktar málefnis sem er mér afskaplega kært. Ég ætla að hlaupa til styrktar Downs-félagsins. Það var í október í fyrra sem dóttir mín fæddist og kom okkur fjölskyldunni á óvart með Downs-heilkenninu sínu. Ég ætla því að hlaupa fyrir hana og félagið sem heldur svo fallega utan um okkar besta fólk.
Þetta er fyrir hana Ídu okkar.
Downs félagið
Tilgangur Félags áhugafólks um Downs heilkenni er að stuðla að velferð og réttindum einstaklinga með Downs-heilkenni og standa að fræðslu til félagsmanna og almennings. Markmið félagsins er að efla tengsl og samkennd milli félagsmanna og vera vettvangur þar sem fjölskyldur og aðstandendur koma saman, miðla af reynslu sinni og hafa gaman! Félagið stendur fyrir ýmsum viðburðum, bæði sjálfstætt og í samvinnu við aðra. Má þar nefna fræðslufundi, ráðstefnur og skemmtanir. Heimasíða félagsins er www.downs.is Allt starf félagsmanna í þágu félagsins er unnið í sjálfboðavinnu.
Nýir styrkir
