Hlauparar
Samtals Safnað
Markmið
Ákjósanleg greiðsluleið
Fyrir fimm árum síðan byrjaði ég að hlaupa í miðju Covid og það breytti lífi mínu til hins betra. Í ár ætla ég í fyrsta sinn að hlaupa heilt maraþon og safna áheitum til stuðnings Samhjálpar sem vinna ómetanlegt starf fyrir fólk sem glímir við fíkn og fátækt. Samhjálp reka meðal annars meðferðarheimilið Hlaðgerðarkot sem hefur reynst systur minni og fjölskyldunni vel á krefjandi tímum auk þess sem þau eru að leita að nýju húsnæði fyrir kaffistofuna sína.
Samhjálp
Í rúma hálfa öld hefur Samhjálp staðið vörð um þá sem lifa við fátækt og félagslega einangrun, sem oft er afleiðing af langvarandi glímu við fíkn. Samhjálp rekur meðferðarheimilið Hlaðgerðarkot þar sem pláss er fyrir 30 einstaklinga í meðferð við fíknisjúkdómum, kaffistofu Samhjálpar sem gefur um 100 þúsund máltíðir á ári, ásamt áfanga- og stuðningsheimilum í Reykjavík og Kópavogi. Kaffistofan er opin alla daga ársins og þaðan eru gefnar allt að 250 máltíðir daglega. Heimasíða félagsins er www.samhjalp.is – Við erum jafnframt á Facebook https://www.facebook.com/samhjalp.is og Instagram https://www.instagram.com/samhjalp/?hl=en
Nýir styrkir
