Í september í fyrra greindist 8 ára dóttir okkar hjóna með krabbamein. Í kjölfarið fylgdi ströng meðferð á Barnaspítala Hringsins og á sjúkrahúsum í Svíþjóð sem stendur enn yfir.

Líf fjölskyldunnar tók miklum breytingum við greininguna og hefur Styrktarfélag krabbameinssjúkra barna (SKB) stutt við bakið á okkur í gegnum áfallið og ferlið í kjölfarið. Dóttir mín hefur haft mikið yndi af listmeðferð SKB, við foreldrarnir sótt mömmu- og pabbahóp félagsins og fjölskyldan átt yndislegar stundir í sumarhúsi félagsins á milli meðferða svo fátt eitt sé nefnt.

Ég ætla því að hlaupa maraþon til styrktar SKB til að þakka fyrir stuðninginn og það frábæra og mikilvæga starf sem SKB vinnur.