Ég hef tvisvar notið þeirra forréttinda að fá að heimsækja Nepal og upplifa glaðværð, gestrisni og gjafmildi Nepala, en þrátt fyrir að landið sé eitt það fátækasta í heimi gefa íbúar landsins meira af sér en flestir aðrir íbúar þessarar jarðkringlu. Að gefa örlítið tilbaka til þessa merkilega lands er mér því mikilvægt og menntun stúlkna er mér sérstaklega hugleikin. 40 þúsund krónur duga fyrir skólagöngu tveggja stúlkna í heilt ár og í nafni dótturdætra minna tveggja set ég mér það markmið.