Hlauparar
Samtals Safnað
Markmið
Í raun veit ég lítið um endómetríósu. Vísindafólk veit miklu meira. En ég veit þó að hún er kvalafull. Konan mín þjáist af endómetríósu og vegna sjúkdómsins þurftum við að sækja aðstoð til vísindafólksins þegar okkur langaði að eignast barn. Það er ekki sjálfgefið að það gangi upp þannig að við erum þakklát. Á myndinni er ég einmitt með ofursnilldina hana Myrru Björt í fanginu.
Ég hleyp fyrir konuna mína og aðra leghafa sem þjást af sjúkdómnun. Það hefur átt sér stað mikil vitundarvakning undanfarna mánuði varðandi endómetríósu, hún er að verða sýnilegri og meira í umræðunni. Hver tók ekki eftir risavöxnum túrtappa á akstri um götur borgarinnar? Ég stuðla stoltur að því að hún verði áframhaldandi.
Fyrir ári síðan hljóp ég hálft maraþon fyrir samtökin og setti mér það markmið að safna fyrir þau hundrað þúsund krónum. Núna ætla ég að hlaupa helmingi lengra og set mér því eðlilega það markmið að safna helmingi meira. Segi bara eins og Byko, gerum þetta saman!
Ást í hrúgum,
Hilmar
Endósamtökin
Um 10% fólks sem fæðist með leg er með endómetríósu eða um 176 milljónir í heiminum. Endómetríósa er ekki bara slæmir túrverkir. Sjúkdómnum geta fylgt miklar kvalir og ýmsir erfiðir fylgikvillar, þar á meðal meltingarvandræði og ófrjósemi. Meðalgreiningartími er 7-8 ár. Stuðningur og fræðsla er meginverkefni Samtaka um endómetríósu. Samtökin vinna ötullega að því að fræða almenning og heilbrigðisstarfsfólk um sjúkdóminn. Margt fólk með endómetríósu finnur fyrir vantrú annarra og þarf enn þann dag í dag að berjast fyrir viðurkenningu á líðan sinni og einkennum.
Nýir styrkir
