Hlauparar
Samtals Safnað
Ég hleyp að sjálfsögðu fyrir samtökin mín!
Sem fyrrverandi stjórnarkonu finnst mér stórkostlegt að sjá hvað núverandi stjórn er öflug og stendur sig vel í að bæta fræðslu og þjónustu við endósjúklinga. Bravó þið!
Ég fékk fyrstu endóverkina 13 ára en greindist ekki fyrr en 25 ára, en sumir þurfa því miður að bíða miklu lengur eftir greiningu.
Ég á að baki 2 kviðarholsspeglanir, eina legspeglun, 3 glasameðferðir, fósturlát og ógrynni af lyfjakúrum. Ég get sætt mig við að vera barnlaus sökum endómetríósu, en ég mun aldrei sætta mig við verkina sem mér hafa verið úthlutaðir frá 13 ára aldri.
Það er ómetanlegt að finna samstöðuna og samkenndina innan samtakanna og sjá almenning og heilbrigðiskerfið smátt og smátt átta sig, þökk sé þrotlausri baráttu.
Endósamtökin
Um 10% fólks sem fæðist með leg er með endómetríósu eða um 176 milljónir í heiminum. Endómetríósa er ekki bara slæmir túrverkir. Sjúkdómnum geta fylgt miklar kvalir og ýmsir erfiðir fylgikvillar, þar á meðal meltingarvandræði og ófrjósemi. Meðalgreiningartími er 7-8 ár. Stuðningur og fræðsla er meginverkefni Samtaka um endómetríósu. Samtökin vinna ötullega að því að fræða almenning og heilbrigðisstarfsfólk um sjúkdóminn. Margt fólk með endómetríósu finnur fyrir vantrú annarra og þarf enn þann dag í dag að berjast fyrir viðurkenningu á líðan sinni og einkennum.
Nýir styrkir
