Skráning í hlaupið

Skráning í hlaupið hefst í janúar 2019.

Þú getur valið um að skrá þig (eða aðra) í eftirfarandi vegalengdir:

Forskráningu á netinu lýkur síðasta fimmtudag fyrir hlaup kl. 13:00. Ef áhugasamir um þátttöku hafa ekki skráð sig fyrir þann tíma gefst þeim kostur á að skrá sig á skráningarhátíð hlaupsins.

Þátttökugjöld

Þátttökugjöld í Reykjavíkurmaraþon Íslandsbanka 2018 hækka eftir því sem nær dregur hlaupdegi og dýrast er að skrá sig á skráningarhátíðinni í Laugardalshöll. Greiða þarf við skráningu og eru þátttökugjöld ekki endurgreidd eða færanleg yfir á aðra viðburði á vegum Íþróttabandalags Reykjavíkur. Ef skráður þátttakandi getur ekki tekið þátt er þó í boði að gera nafnabreytingu á meðan rafræn skráning í hlaupið er opin inná „mínum síðum“.

Greiðsluleiðir

Í skráningarferlinu er hægt að velja um að greiða þátttökugjaldið með öllum helstu debet- og kreditkortum og/eða gjafabréfi þróttabandalags Reykjavíkur. Að lokinni skráningu fær viðkomandi senda kvittun í tölvupósti skráningunni til staðfestingar. Berist ekki kvittun hefur skráning ekki gengið í gegn. Í gegnum netfangið skraning@marathon.is er hægt að fá aðstoð við skráningu.

Skilmálar

Við skráningu í hlaup á vegum Reykjavíkurmaraþons þurfa þátttakendur að haka við að þeir samþykki skilmála hlaupsins. Ef ekki er hakað í samþykki fyrir skilmálum er ekki hægt að skrá sig í hlaupið. Smellið hér til að skoða skilmálana.

Kvittun

Við afhendingu hlaupagagna á skráningarhátíð fimmtudag og föstudag fyrir hlaup eru þátttakendur beðnir að hafa kvittun með staðfestingu á skráningu meðferðis, það flýtir fyrir afgreiðslu. Kvittunin er send í tölvupósti til hlaupara þegar skráningu er lokið. Einnig er hægt að finna kvittun til útprentunar á „mínum síðum".

Mínar síður

Að skráningu lokinni eignast hver einstaklingur sitt svæði undir heitinu: „Mínar síður“ þar sem hægt er að breyta persónuupplýsingum og lykilorði, skrá sig í sveitakeppni og breyta vegalengd sinni. Frekari upplýsingar um „Mínar síður" er að finna hér.

Hópskráning

Í skráningarkerfinu er hægt að skrá nokkra hlaupara í einu og borga fyrir þá í einni greiðslu. Ekki er þó mælt með að skrá fleiri en 6 í hverri færslu. Fyrirtæki sem vilja skrá 10 eða fleiri til þátttöku geta haft samband á netfangið skraning@marathon.is og fengið aðstoð.

Breyting á vegalengd

Þau sem vilja breyta um vegalengd eftir að skráningu er lokið geta gert það á „mínum síðum". Greiða þarf fyrir mismun á verði vegalengda ef farið er í dýrari vegalengd. Ekki þarf að greiða breytingagjald. Allar nánari upplýsingar og aðstoð eru veittar í gegnum tölvupóstfangið skraning@marathon.is.

Nafnabreyting

Hægt er að gera nafnabreytingu á skráningu á „mínum síðum". Skrá þarf nafn, kennitölu, netfang og símanúmer þess sem á að fá skráninguna. Nýr eigandi skráningarinnar fær staðfestingu á skráningu í tölvupósti ásamt aðgangi að „mínum síðum". Athugið að „mínar síður" eru aðeins opnar á meðan rafræn skráning er opin. Eftir að rafrænni skráningu lýkur er ekki hægt að gera nafnabreytingu.

Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, Tour of Reykjavik og Miðnæturhlaup Suzuki í júní, Norðurljósahlaup Orkusölunnar í febrúar og Reykjavíkurleikar í janúar.