Sveitakeppni

Í maraþoni, hálfmaraþoni og 10 km hlaupi er boðið upp á fjögurra manna sveitakeppni sem þýðir að vinnufélagar, félagasamtök, fjölskyldur, vinir eða allir þeir sem áhuga hafa geta myndað sveitir.

Hægt er að mynda þrjár mismunandi tegundir af sveitum en þeir sem eru í sömu sveit verða að hlaupa sömu vegalengd:

  • Kvennasveit - 4 konur í sveit
  • Karlasveit - 4 karlar í sveit 
  • Blönduð sveit - 2 konur og 2 karlar í sveit

Fyrsta sveit í mark í hverri vegalengd og hverri tegund af sveit fær verðlaun. Tímar allra einstaklinga í sveitinni gilda. 

Reglur um sveitir

  • Allir skráðir þátttakendur geta stofnað sveit.
  • Hægt er að mynda þrjár mismunandi tegundir af sveitum: kvennasveit, karlasveit eða blandaða sveit.
  • Allir meðlimir sveitar verða að hlaupa sömu vegalengd.
  • Keppendur þurfa fyrst að skrá sig í hlaup og borga þátttökugjald áður en þeir geta skráð sig í sveit.
  • Að skrá þátttakendur í sveit er ókeypis.
  • Einn fulltrúi í hverri sveit skráir hverja sveit. Sá er ábyrgur fyrir að láta aðra sveitameðlimi vita af skráningunni.
  • Skráninga á sveitum fer fram á „mínum síðum" og er opin á meðan rafræn skráning í hlaupið er opin.
  • Eftir að rafrænni skráningu lýkur er ekki hægt að skrá í sveit eða breyta sveitaskráningu nema allir meðlimir sveitarinnar undirriti umsókn þess efnis.
  • Athugasemdir vegna úrslita í sveitakeppni þurfa að berast Reykjavíkurmaraþoni á netfangið skraning@marathon.is eigi síðar en kl.16 daginn eftir hlaup.

Samstarfsaðilar

Íþróttabandalag Reykjavíkur (ÍBR) var stofnað 1944 og eru samtök íþróttafélaganna í Reykjavík. Árlega hefur Íþróttabandalagið umsjón með sex stórum íþróttaviðburðum: Reykjavíkurmaraþon Íslandsbanka í ágúst, Laugavegshlaupið í júlí, WOW Tour of Reykjavik og Miðnæturhlaup Suzuki í júní, WOW Northern Lights Run í febrúar og WOW Reykjavik International Games í janúar.