Ég ætla að taka þátt í Reykjavíkurmaraþoninu og hlaupa til styrktar Barnaspítala Hringsins. Síðastliðið sumar greindist dóttir okkar með flogaveiki og í kjölfarið fylgdu ótrúlega krefjandi mánuðir og nýr veruleiki fyrir okkur fjölskylduna.

Á þessum erfiðu tímum tók starfsfólk Barnaspítalans einstaklega vel á móti okkur í öll þau skipti sem við þurftum á innlögn að halda. 

Okkur langar sérstaklega að nefna hana Hrönn á leikstofunni. Hún er einstakur gleðigjafi sem tekst að færa börnunum gleði og hamingju inn í spítalaumhverfið þegar þau þurfa mest á því að halda.

Með því að hlaupa vil ég sýna þakklæti okkar í verki og styrkja þetta mikilvæga starf svo spítalinn geti áfram hlúð sem best að veikum börnum og fjölskyldum þeirra. Hvert framlag telur!