Ég hleyp fyrir Astma- og ofnæmisfélag Íslands í Reykjavíkurmaraþoninu 2026 💙🏃‍♀️

Í ár hleyp ég 10 km í Reykjavíkurmaraþoninu fyrir Astma- og ofnæmisfélag Íslands.

Ég verð ekki að elta persónulegt met í þetta sinn. Þess í stað verð ég hraðastjóri (héra) á 60 mínútum, þannig að markmiðið mitt er að hjálpa þeim sem stefna á að hlaupa 10 km á klukkutíma að ná markmiðinu sínu. Það er verkefni sem ég hlakka virkilega til og vonandi sjáumst við sem flest á hlaupunum – eða rétt á eftir mér! 😊

Ég hef starfað fyrir Astma- og ofnæmisfélag Íslands í 25 ár og vinn einnig daglega með börnum, ungmennum og fjölskyldum sem lifa með astma og ofnæmi. Ég sé á hverjum degi hvernig þessir sjúkdómar geta haft áhrif á lífsgæði, öryggi og daglegt líf.

Það er mikilvægt að vekja athygli á því að hegðun okkar allra getur haft áhrif á heilsu annarra. Loftgæði skipta gríðarlega miklu máli – hvort sem um er að ræða loftmengun, svifryk, lykt, ilmvötn, ilmkerti, reykelsi, arina eða aðra reykmengun. Einnig geta frjókorn og dýr valdið mörgum miklum erfiðleikum.

Fæðuofnæmi getur líka haft mikil áhrif, sérstaklega þegar börn verða ungmenni og taka smám saman sjálf ábyrgð á eigin heilsu. Það getur verið stórt skref og því skiptir stuðningur miklu máli.

Þess vegna er mér sérstaklega annt um að styðja við nýtt verkefni Astma- og ofnæmisfélags Íslands þar sem verið er að setja á fót námskeið fyrir ungmenni með bráðaofnæmi. Slíkt fræðslu- og stuðningsstarf getur skipt sköpum fyrir öryggi, sjálfstraust og lífsgæði þeirra.

💙 Ef þú hefur tök á því væri ég afar þakklát ef þú myndir styðja söfnunina mína og þar með starf Astma- og ofnæmisfélags Íslands.

🏃‍♀️ Og ef þú ætlar að hlaupa 10 km á um 60 mínútum – endilega komdu með mér! Það verður bæði skemmtilegt og hvetjandi að ná markmiðinu saman.

Takk fyrir stuðninginn og sjáumst í Reykjavíkurmaraþoninu! 💙