Ég hleyp fyrir Örninn í minningu Árna, mannsins míns og föður barnanna okkar. Starf Arnarins er algjörlega magnað og hefur hjálpað bæði mér og börnunum okkar Árna í gengum lífsreynslu sem enginn kærir sig um að lifa í gegnum. Í Erninum finna börn að þau tilheyri þrátt fyrir sorgina & foreldrar/forráðamenn eiga tækifæri á að finna fyrir vissri ró með því að sjá eldri börn en sín eigin, sem deila þeirri lífsreynslu að hafa misst foreldri eða systkini, dafna og vera hamingjusöm.