Runners
Total collected
Preferred Payment Method
Ég styð minningarsjóð Gunnars Karls með þátttöku minni í Reykjavíkurmaraþoninu í ár. Að þessu sinni styður sjóðurinn Guðbjörgu Sillu frænku mína sem greindist á síðasta ári með MND (ALS) taugahrörnunarsjúkdóm. Sjúkdómurinn hefur haft mikil áhrif á líf hennar en hann ræðst á taugafrumur sem stjórna hreyfingum líkamans og veikir þannig vöðvana smám saman. Guðbjörg Silla er 17 ára Eyjapæja. Hún er yngsti einstaklingurinn á Íslandi sem hefur greinst með MND og sú eina sem hefur greinst með þetta sjaldgæfa afbrigði sjúkdómsins. Fyrir rúmu ári leitaði fjölskylda Guðbjargar Sillu til Barnaspítala Hringsins. Í dag notar hún rafdrifinn hjólastól og þarf aðstoð við allar daglegar athafnir. Hún hefur verið í reglulegri lyfjagjöf undanfarna mánuði sem vonast er til að stöðvi framgang sjúkdómsins. Ég óska eftir þinni hjálp til að styðja Guðbjörgu Sillu og fjölskyldu hennar með því að heita á mig í Reykjavíkurmaraþoninu.
Gunnar Karl's Memorial Fund
Minningarsjóður Gunnars Karls er stofnaður til minningar um Gunnar Karl Haraldsson sem lést 28. febrúar 2021 eftir baráttu við krabbamein. En hann glímdi við sjúkdóminn Neurofibromatosis (NF1) alla sína ævi og hafði hann mikil áhrif á lífsgæði hans. Markmið sjóðsins er að halda baráttumáli hans á lofti með því að styrkja einstaklinga með fötlun til náms, tómstunda og íþróttaiðkunar og verkefni/málefni sem styðja við þátttöku fatlaðra jafnt við aðra í samfélaginu.
New pledges
