Ásdís Emma greindist með sykursýki týpu 1 í byrjun árs. Ásdís ætlar að taka þátt í skemmtiskokkinu í ár og hleypur hún til styrktar Miu Magic en nýjasta bókin um hana Miu er einmitt um sykursýki.

Mia Magic er góðgerðarfélag sem stofnað var 1. febrúar 2021. Mia Magic einbeitir sér að því að gleðja langveik börn og foreldra þeirra ásamt því að gefa út fræðslubækur, bókin Mía fær lyfjabrunn og Mía fer í tívolí, eftir þær Þórunni Evu og Bergrúnu Írisi hafa slegið í gegn og er á döfinni að gefa út fleiri bækur.

Allar bækur um Míu eru gefins þar sem þetta eru fræðslubækur. Fræðsla á ekki að kosta og því söfnum við fyrir útgáfu á öllum bókum um Míu svo við getum haldið áfram að fræða.