Runners
Total collected
Goal
Preferred Payment Method
Í ár mun Minningarsjóður Gunnars Karls tileinka áheitasöfnun sína í Reykjavíkurmaraþoninu Guðbjörgu Sillu, 17 ára Eyjapæju sem greindist á síðasta ári með taugahrörnunarsjúkdóminn MND (ALS).
Fyrir rúmu ári leitaði fjölskylda hennar til Barnaspítala Hringsins. Í dag notar hún rafdrifinn hjólastól og þarf aðstoð við allar daglegar athafnir. Undanfarna mánuði hefur hún verið í reglulegri lyfjameðferð sem vonir standa til að geti stöðvað framgang sjúkdómsins.
Guðbjörg Silla er yngsti einstaklingurinn á Íslandi sem hefur greinst með MND og sú eina sem hefur greinst með þetta sjaldgæfa afbrigði sjúkdómsins.
Öllum fjármunum sem safnast til Minningarsjóðs Gunnars Karls í gegnum Hlaupastyrk Reykjavíkurmaraþons 2026 verður ráðstafað til stuðnings Guðbjörgu Sillu. Markmiðið er að styðja við lífsgæði hennar, sjálfstæði og þátttöku í daglegu lífi, sem og samveru hennar með fjölskyldu og vinum.
Saman getum við stutt Guðbjörgu Sillu og fjölskyldu hennar á þessum erfiða tíma. ❤
Gunnar Karl's Memorial Fund
Minningarsjóður Gunnars Karls er stofnaður til minningar um Gunnar Karl Haraldsson sem lést 28. febrúar 2021 eftir baráttu við krabbamein. En hann glímdi við sjúkdóminn Neurofibromatosis (NF1) alla sína ævi og hafði hann mikil áhrif á lífsgæði hans. Markmið sjóðsins er að halda baráttumáli hans á lofti með því að styrkja einstaklinga með fötlun til náms, tómstunda og íþróttaiðkunar og verkefni/málefni sem styðja við þátttöku fatlaðra jafnt við aðra í samfélaginu.
New pledges
