Það er von eru félagasamtök sem voru stofnuð í ágúst 2019 og hafa frá upphafi unnið markvisst að því að styðja fólk með fíknivanda og aðstandendur þeirra. Starf félagsins byggir á fræðslu, ráðgjöf, stuðningi og vitundarvakningu með það að markmiði að auka von, valdeflingu og betri lífsgæði þeirra sem glíma við afleiðingar fíknivanda. Félagið veitir endurgjaldslausa ráðgjöf fyrir fólk með fíkniraskanir og aðstandendur þeirra, meðal annars hjá fíkniráðgjafa. Einnig heldur Það er von námskeið fyrir aðstandendur þar sem lögð er áhersla á fræðslu, stuðning og valdeflingu. Með starfi sínu leitast félagið jafnframt við að efla umræðu, draga úr fordómum og auka sýnileika málefna sem snúa að fíknivanda í samfélaginu. Öll þjónusta Það er von er endurgjaldslaus og því er starfsemin rekin alfarið með styrktarfé og framlögum frá velunnurum. Með því að styrkja söfnunina styður þú beint við mikilvægt starf sem veitir fólki von, stuðning og raunveruleg úrræði á erfiðum tímum.