Ég hef glímt við langtíma eftirköst covid núna í þrjú ár og veit hversu erfitt og einmanalegt það er. Þess vegna stofnaði ég, ásamt þremur öðrum post covid sjúklingum, SKÝ - félag fólks með post covid. 

Þar sem ég get ekki hlaupið þá verður mér ýtt í mark í hjólastól en fagnaðarlætin munu ekki vera neitt minni fyrir vikið, glimmer, candyfloss og búbblur verða við lok hlaupsins. 

mig langar að óska eftir því að þú, elsku vinur, styrkir mig og SKÝ, sem er mér mikið hjartans mál 

Markmið félagsins  er að vekja athygli á þeim hópi sem glímir við þessi veikindi, að berjast fyrir hagsmunum veikra og fara fram á að fólk fái þá þjónustu sem það hefur rétt á innan þeirra kerfa sem við eiga. 

Auk þess langar okkur að bjóða okkar félaga fólki upp á ýmis konar þjónustu sem getur lét fólki sporin um þennan djúpa dal sem þessi veikindi geta sannarlega verið. 

SKÝ er mikilvægt félag fyrir mig, mína fjölskyldu og öll þau sem glíma við veikindin eða eru aðstandendur einhvers sem gerir það.