Ég ætla að hlaupa til að safna áheitum fyrir fjármögnun á endurhæfingu elsku besta Magnúsar Mána sonar míns. Hann lenti í erfiðum veikindum sumarið 2023, missti máttin og skynjun frá bringu og niður. Hann hefur verið í afar stífri og krefjandi endurhæfingu síðan þá. 

Ástæðan fyrir því að ég ætla að hlaupa og safna áheitum er að við fjölskyldan höfum þurft að leita út fyrir landsteinana til að fá viðeigandi endurhæfingu. Bæði til að komast í bestu mögulegu tæki sem eru á boðstólnum í dag og til að fá framúrskarandi hvatningu og stuðning sem þarf til að geta lagt svona mikið á sig eins og Magnús hefur gert dag eftir dag í marga mánuði, nokkra klukkutíma á dag. 

Dugnaður hans, seigla, þolinmæði og þrautseigja hefur skilað honum miklum árangri enda er hann farinn að ganga með göngugrind. Enn er vinna fyrir höndum til að hann nái markmiðum sínum. Við munum áfram þurfa að leita erlendis og leggja út í mikinn kostnað til að fá viðeigandi endurhæfingu. Sú endurhæfing sem Magnús hefur farið í erlendis, ætti að vera í boði á Íslandi!

Magnús Máni er fyrirmynd okkar allra!

Takk kærlega fyrir stuðninginn,

Áfram Magnús Máni!