Ég vel að hlaupa fyrir Ljósið þar sem þau hjálpa og styðja svo marga. Þar á meðal móður kærasta minns sem lést af völdum brjóstakrabbameins fyrir einu og hálfu ári síðan. Hana fæ ég aldrei að hitta og læt ljóð sem ég skrifaði fylgja með sem lýsir því nánar.

Ég hleyp fyrir konu

sem ég mun aldrei hitta

kynnist þér í gegnum orð og sögur

og sé þig aðeins í brosi hans

Ég hleyp fyrir móður

sem á svo yndislegan son

sem heldur nú í hönd mína

og ber gleði í hvern dag

Ég hleyp fyrir sorgina

sem hann ber að eilífu,

sorgina að missa móður

sem kvaddi of snemma

Ég hleyp fyrir augnablikið sem þú kvaddir

og fyrir alla sem urðu að halda áfram

með hjörtum sem vissu ekki hvernig

Ég hleyp fyrir þig og alla

sem hafa verið í þessari baráttu,

héldu í ljósið og gáfust ekki upp

Því þetta er ekki bara hlaup

Þetta er loforð um að gefast ekki upp