Ég hef ákveðið að hlaupa 10 kílómetra í Reykjavíkurmaraþoninu fyrir Leikskóladeildina Lyngás en hún er fyrir fötluð og langveik börn á aldrinum 0 til 6 ára. Vinkona mín starfar á Lyngási og hefur kynnt mér fyrir því ómetanlega starfi sem deildin sinnir. Jafnvel þó að Lyngás sé leikskóli eru engin útileiktæki þar fyrir börnin. Aðgangur að leiktækjum myndi betrumbæta starfið og upplifun barnanna til muna. Með þessari söfnun væri þannig verið að safna fyrir FYRSTU útileiktækjum deildarinnar. Mig langar að leggja mitt að mörkum til að börnin á Lyngási geti leikið sér úti í leiktækjum eins og önnur börn. Því væri ég verulega þakklát fyrir ykkar stuðning.