Ég ætla hlaupa fyrir Blóðbankann af því að ég veit að blóð frá honum getur bjargað mannslífum, það gerði það í tilfelli Sigrúnar Bjargar tengdadóttur minnar en hún lenti í alvarlegu umferðarslysi síðasta haust. Sigrún Björg hefur hlaupið mörg hlaup og oft verið á verðlaunapalli. Ég held þó að hennar mest krefjandi (lang)hlaup hafi verið endurhæfingin eftir slysið. Hún hefur sýnt mikla jákvæðni, styrk og seiglu í þessu ferli, en það eru einmitt eiginleikar sem nýtast vel í langhlaupum og eitthvað sem ég ætla að hafa í huga þegar ég hleyp fyrir Blóðbankann og hana.