Ég hleyp til styrktar Krabbameinsfélaginu þar sem við vinnum alla daga að því að ná betri árangri í baráttunni við krabbamein, að fækka þeim sem fá krabbamein, að fleiri lifi og lifi góðu lífi með og eftir krabbamein. Félagið er ekki styrkt af hinu opinbera, almenningur og fyrirtæki kosta allt starfið með frjálsum framlögum, það er algerlega mögnuð staðreynd. Ég þekki ótrúlega marga sem eru að glíma við krabbamein og mun hugsa til þeirra þegar ég skrönglast mína kílómetra. En ég mun líka hugsa til þeirra mörgu sem ég þekki og hafa misst sína nánustu úr úr krabbameinum. Fleiri dagar, mánuðir og ár með mæðrum og feðrum er gott framtíðarmarkmið. Nú er berjatíminn í hámarki. Ég veit að Mamma og Lulla vinkona hennar hefðu þráð að sitja í bláberjabrekkunum á Grund þessa dagana. Það er líka gott markmið að fjölga berjadögum. 

Það er aldrei of seint að byrja að hreyfa sig og öll hreyfing er betri en engin.