Kristinn lést í maí 2025 eftir harða baráttu við krabbamein. Hann barðist hetjulega í 18 mánuði. Á þeim tíma nýtti hann sér þjónustu Ljóssins og talaði hann mjög vel um hversu vel var haldið utan um hann þar. Kristinn var alltaf hjálpsamur og gerði allt sem hann gat til að hjálpa öðrum, hann var einnig alltaf til í að styrkja hin og þessi félög með fjárframlagi, hlaupum, dósaframlagi eða kaupum á happdrættismiðum.

Kristinn tók þátt í Reykjavíkurmaraþoninu á hverju ári frá því hann byrjaði að hlaupa. Með okkar þáttöku viljum við heiðra minningu hans og hlaupa í hans nafni. Hvort sem þið þekktuð hann sem Kristinn, Kidda, Stinna, KJÓ eða Kjóa þá eruð þið velkomin að slást í hópinn okkar, hlaupa honum til heiðurs og styrkja í leiðinni þetta frábæra málefni sem var honum svo hjartfólgið.

Ljósið var svo sannarlega ljós í myrkrinu fyrir Kristinn, þau studdu vel við hann í veikindunum. Okkur langar því að styrkja þau með okkar og ykkar framlagi.

All out fyrir KJÓ!