Við höfum tekið höndum saman og myndað hlaupahópinn HetjuSaga sem mun taka þátt í Reykjavíkurmaraþoni Íslandsbanka. Við hlaupum Sögu Björt til heiðurs og stuðnings, sem var aðeins 7 ára gömul þegar hún greindist með hvítblæði.

Saga hefur tekist á við þetta stóra verkefni af ótrúlegu hugrekki, sýnt styrk sem fáir geta ímyndað sér, og staðið sig afar vel í meðferð undanfarna mánuði.

Hún er okkur öllum mikil fyrirmynd og sönn hetja!

Með hlaupinu viljum við leggja okkar af mörkum til Styrktarfélagsins Börn með krabbamein, sem styður börn eins og Sögu og fjölskyldur þeirra á erfiðum tímum. Við söfnum áheitum til að styrkja þetta mikilvæga starf og vonumst til að þú viljir leggja okkur lið.

Hver króna skiptir máli! Takk fyrir að hlaupa með okkur í anda og styðja við Sögu og aðrar hetjur.