Team Abra

þriðja árið í röð ætlar Team Abra að hlaupa fyrir SKB, (styrktarfélag krabbameinssjúkra barna). Í þetta skipti munum við 5 (Alfreð, Hanna, Kristján, Birta och Katrín) hlaupa í Svíþjóð ásamt vinum og kannski nokkrir fjölskyldumeðlimir og vinir á Íslandi í sjálfu Reykjarvíkurmaraþoninu. Kristján er að fara í rannsókn á eftirköstum krabbameinsmeðferðarinnar í ágúst sem við þurfum að forgangsraða.

---

2023 - 2024 hefur verið mjög erfitt ár fyrir fjölskylduna og þá sérstaklega fyrir Kristján Leó, drenginn okkar. Hann fékk stórt aukaverkefni í hendurnar í lífinu, illkynja heilakrabbamein að nafni Medulloblastoma. Eftir bráða lífshættulega og lífsbjargandi heilaskurðaðgerð febrúar 2023, geislameðferð á heila og mænu ásamt krabbameinslyfjameðferð sem lauk 7. mars 2024 þá fékk hann gott svar eftir segulómun á heila í apríl. Flottar myndir og núna byrjar eftirfylgni með segulómmyndatöku af heila reglulega næstu 5 árin og áframhaldandi eftirfylgni með ýmsum hætti út lífið, t.d vegna aukaverkana af krabbameinsmeðferðinni (geislum og lyfjameðferð). Hæsta áhætta á endurkomu krabbameinsins er fyrstu 2 árin. Við vonum það besta og höldum áfram að vera í núinu og venjast nýju lífi og að komast til baka í hversdagsleikann.

Takk allir fyrir stuðninginn sl. ár💖💕

Takk allir fyrir stuðninginn þegar Kristján Leó var í heilaskurðaðgerðinni. Fundum sterkan meðbyr frá Íslandi sem hjálpaði okkur foreldrunum mikið þegar okkur leið eins og við vorum að drukkna af áhyggjum.💕💖

Takk SKB fyrir stuðninginn og alla hugulsemi sem okkur hefur verið sýnt. 💞🥰

Takk fjölskyldan okkar og vinir sem hafa verið til staðar fyrir okkur á svo margan hátt 💖💕 ómetanlegt 🫶