Hlaupahópur
Hlaupum fyrir Ólöfu Töru 🤍🕊️
Hleypur fyrir Kvennaathvarf
Samtals Safnað
takk fyrir stuðninginn!
Við hlaupum til minningar um Ólöfu Töru – fyrir barátturöddina sem lifir að eilífu🤍🕊️
Í Reykjavíkurmaraþoninu í ár ætlum við að hlaupa til minningar um einstaka vinkonu okkar og baráttukonu – Ólöfu Töru. Hún var öflug rödd í baráttunni gegn ofbeldi og barðist fyrir jafnrétti. Hún studdi óhikað við þolendur, ljáði þeim sem þurftu eyra og hjarta og hún lækkaði aldrei rödd sína – aðeins magnaðist hún þegar mest þurfti.
Hlaupið er gert með samþykki fjölskyldu hennar og í hennar nafni er nú safnað áheitum fyrir Kvennaathvarfið, stofnun sem henni lá mikið á hjarta á síðustu árum.
Við vitum að Ólöfu Töru hefði þótt þetta mikilvægt – ekki bara hlaup, heldur áframhaldandi barátta, virðing, kærleikur og samstaða.
Fyrir Ólöfu Töru. Fyrir allar konur.
Kvennaathvarf
Starfsemi Samtaka um kvennaathvarf felst í rekstri neyðarathvarfa fyrir konur og börn þeirra þegar dvöl í heimahúsum er óbærileg vegna andlegs eða líkamlegs ofbeldis annars heimilismanns. Einnig er rekin viðtalsþjónusta fyrir konur sem ekki koma til dvalar heldur kjósa að reyna að breyta aðstæðum sínum án þess að fara burt af heimilum sínum. Símaþjónustan opin allan sólarhringinn. Fræðsla um ofbeldi, birtingarmyndir þess og forvarnir er hluti af starfseminni og gefnir eru út bæklingar sem dreift er bæði til heilsugæslustöðva, skóla og víðar.
Hlauparar í hópnum
Nýir styrkir
