Góðgerðamál

Áheitasöfnunin hófst í nóvember þegar skráningin opnaði. Opið verður fyrir skráningu góðgerðarfélaga til og með 5. ágúst 2024. Söfnunin lokar mánudaginn 26. ágúst 2024.

Áheitasöfnun í tengslum við Reykjavíkurmaraþon Íslandsbanka 2024 fer fram á hlaupastyrkur.is líkt og undanfarin ár.

Hlauptu til góðs

Allir þátttakendur í Reykjavíkurmaraþoni Íslandsbanka geta tekið þátt í áheitasöfnuninni. Sjá nánar hér.

Skráning góðgerðafélaga

Skráning góðgerðafélaga í áheitasöfnun Reykjavíkurmaraþons Íslandsbanka 2024. Ný félög sem hafa áhuga á að taka þátt í áheitasöfnuninni er bent á að senda upplýsingar um nafn, kennitölu og bankareikning félags á netfangið aheit@marathon.is.

Til að félag geti birst á hlaupastyrkur.is síðunni þarf að fara inn á Corsa (umsjónarsvæði góðgerðarfélaga) og samþykkja skilmálana og að það megi birtast á síðunni.

Áheitasöfnunin 2023

Áheitasöfnun í Reykjavíkurmaraþoni Íslandsbanka fór fram úr björtustu vonum, þar sem söfnuðust 199.932.170 krónur, sem er hæsta upphæð sem hefur safnast inná Hlaupastyrk.is. Heildarupphæð áheita sem nú hafa safnast frá upphafi eru um 1.443 milljónir.

Hilmar Gunnarsson safnaði mest allra einstaklinga, 2.100.175 krónur fyrir Reykjardal. Erling Daði Emilsson safnaði næst mest, 1.349.400 krónur fyrir Styrktarfélag Krabbameinssjúkra barna. Í þriðja sæti einstaklinga var Svanhvít Yrsa Árnadóttir sem safnaði 1.144.000 krónum einnig fyrir Styrktarfélag Krabbameinssjúkra Barna. Sá hlaupahópur sem safnaði mestu var Sperrileggir - vinir Guðrúnar Birnu en þau söfnuðu 1.665.000 krónum fyrir Styrktarfélag Krabbameinssjúkra barna.

156 góðgerðarfélög söfnuðu áheitum í ár, en áheitin hafa verið greidd til góðgerðafélaganna. Öll áheit sem bárust fara beint til félaganna því Íslandsbanki greiðir allan kostnað við söfnunina. Þau félög sem fengu mestu í ár eru Ljósið - endurhæfingar- og stuðningsmiðstöð fyrir krabbameinsgreinda sem safnaði 12 milljónum, Styrktarfélag krabbameinssjúkra barna safnaði næst mest þegar þau söfnuðu rúmum 7 milljónum og Píeta samtökin, sjálfsvígs- og sjálfsskaða forvarnir söfnuðu 6,6 milljónum.

Samstarfsaðilar

  • Íslandsbanki
  • Corsa
  • Suzuki
  • ÍTR
  • 66 Norður
  • Kynnisferðir / Reykjavik Excursions
  • Gatorade