Hlauparar
Hólmfríður Þorgeirsdóttir
Hleypur fyrir Samtökin '78 - félag hinsegin fólks á Íslandi
Samtals Safnað
Markmið
Ákjósanleg greiðsluleið
Frà því að ég var mjög ung hef ég vitað að ég væri öðruvísi en flestar aðrar stelpur. Tíðar læknaferðir suður, lyfjagjöf og fleira fylgdu mér alla mína æsku og fram á fullorðinsár, í raun til dagsins í dag.
Ég hafði þó aldrei velt þessu mikið fyrir mér og það var ekki fyrr en fyrir nokkrum árum sem ég áttaði mig á því að ég væri Intersex
Hvað er Intersex? Intersex er meðfætt frávik á líkamlegum kyneinkennum. Það er að segja líkamlegur munur á litningum, erfðafræðilegri framsetningu, hormónastarfsemi eða kynfærum einstaklings.
Í àgúst ætla ég að hlaupa heilt maraþon til styrktar Samtökunum 78. Styrkurinn mun vera nýttur í ráðgjöf til hinsegin einstaklinga, aðstandenda þeirra og fagfólks, bæði einstaklingsráðgjöf og stuðningshópa. Mikið bakslag er í réttindabaráttu hinsegin fólks og þá sérstaklega trans fólks. Sem starfandi kennari hef ég orðið vitni af þessu bakslagi og þeim fordómum sem grassera í samfélaginu. Ég vona að stuðningur minn við félagið leggi lóð á vogaskálarnar í þeirri baráttu og auki þannig skilning og fræðslu út í samfélagið sem ég hefði verið þakklát fyrir í mínum uppvexti.
Samtökin '78 - félag hinsegin fólks á Íslandi
Samtökin ‘78 eru félag hinsegin fólks á Íslandi. Við veitum fræðslu um hinsegin málefni í skólum og á vinnustöðum, veitum ókeypis ráðgjöf til hinsegin fólks og aðstandenda, berjumst fyrir réttarbótum með bættri lagasetningu, veitum hinsegin hælisleitendum stuðning, höldum viðburði þar sem hinsegin fólki og hinsegin menningu er fagnað og svo ótal margt fleira. Það eina sem setur starfi okkar mörk er skortur á fjármagni og þess vegna viljum við biðja þig að safna áheitum fyrir Samtökin ‘78 í ár. Vertu með okkur í liði! Gerum Ísland að enn betri stað fyrir allt hinsegin fólk.
Nýir styrkir
