Úr Barnaspítalasjóði Hringsins eru árlega veittir styrkir til að bæta aðbúnað barna sem þurfa á heilbrigðisþjónustu að halda. Það hefur verið metnaður Barnaspítalasjóðs frá stofnun hans 1942 að börn hafi aðgang að bestu lækningatækjum og búnaði sem til er á hverjum tíma. Eitt af aðalverkefnum sjóðsins síðustu ár hefur verið að styrkja Vökudeildina svo aðbúnaður þar sé sá allra besti sem völ er á fyrir þau börn og foreldra sem þurfa að nýta þjónustu Vökudeildar.

Í ár söfnum við fyrir 12 sérútbúnum vöggum fyrir fyrirbura,  tíu vöggum fyrir einbura og tveim  fyrir tvíbura.  Það eru komin 14 ár síðan  vöggurnar voru endurnýjaðar á Vökudeildinni.  

Leggðu okkur lið og hlauptu Hring fyrir Hringinn.  Allt sem safnast rennur óskipt til tækjakaupa.  

Hlauparar Hring fyrir Hringinn eru velkomnir á Facebook síðu hlaupara https://www.facebook.com/groups/472947570124360/

Þá verðum við með bás á Fit&Run expo 22. og 23. ágúst og hvetjum hlauparana okkar til að kíkja við, ná í glaðningana sína og segja hæ :)

Hlökkum til að sjá ykkur 24. ágúst!