Krabbameinsfélagið er tryggur bakhjarl þegar krabbamein kollvarpar tilverunni.  

Starf félagsins byggist alfarið á stuðningi einstaklinga og fyrirtækja. Með þinni aðstoð getum við dregið úr áhrifum krabbameina á samfélagið með því að skapa þekkingu, berjast fyrir breytingum og veita fólki með krabbamein og aðstandendum þeirra stuðning og sérhæfða ráðgjöf fagfólks. 

Markmið félagsins er að færri fái krabbamein, fleiri læknist, lifi lengi og njóti lífsins með og eftir krabbamein. 

Með stuðningi þjóðarinnar höfum við helgað okkur baráttunni gegn krabbameinum í 75 ár og hvikum hvergi heldur höldum ótrauð áfram, með þér og fyrir þig. Því lífið liggur við.

Öll sem hlaupa fyrir félagið fá þakklætisvott frá félaginu - merktan hlaupabol og gjafapoka sem hægt er að nálgast í Skógarhlíð 8 eða á bás F-20 á Fit&Run sýningunni í Laugardalshöll dagana 20. - 21. ágúst frá kl. 14-20.

Komið og verið með í stemningunni á hlaupadag á hvatningastöð félagsins á Austurströnd 7. Smá klapp eða uppörvandi hrós getur veitt hlaupurum ótrúlega mikinn auka kraft.