Neistinn, styrktarfélag hjartveikra barna reyndist okkur ólýsanlega vel þegar við fengum þær fréttir að Clara Björt væri með hjartagalla. Clara Björt fæddist með flókinn hjartagalla og þurfti að gangast undir hjartaaðgerð í Lundi í Svíþjóð í desember 2019 auk þess sem hún þarf að fara í fleiri aðgerðir á lífsleiðinni.

Við leituðum til Neistans eftir hjartagallinn uppgötvaðist og móttökurnar voru vægast sagt góðar. Starfsfólk Neistans tók á móti okkur opnum örmum og veittu okkur stuðning í gegnum allt ferlið og eru alltaf til taks ef á þarf að halda. Við getum með engu móti þakkað nægilega þann stuðning sem Neistinn veitti okkur á erfiðum tímum.

Við hjónin höfum ákveðið að hlaupa hálft maraþon og safna áheitum fyrir Neistann með það í huga að gefa til baka eins mikið og við getum <3 Við höfum þar að auki stofnað hóp og viljum bjóða þeim sem vilja að ganga til liðs við okkur og safna áheitum fyrir Neistann.