Góðgerðarmál

Rauði krossinn - Skaðaminnkun, Frú Ragnheiður og Ylja
Samtals Safnað
Fjöldi áheita
Frú Ragnheiður var sett á laggirnar árið 2009 á höfuðborgarsvæðinu og byggir á hugmyndafræði skaðaminnkunar. Verkefnið hefur þann tilgang að ná til jaðarsettra hópa í samfélaginu eins og húsnæðislausra einstaklinga og einstaklinga sem nota vímuefni um æð og bjóða þeim skaðaminnkandi þjónustu í formi heilbrigðisþjónustu og nálaskiptiþjónustu. Heilbrigðisþjónusta Frú Ragnheiðar veitir meðal annars aðhlynningu sára, sýklalyfjameðferð, skimun á blóðbornum smitsjúkdómum, umbúðaskipti, saumatöku og almenna heilsufarsskoðun og ráðgjöf. Á hverri vakt starfar hjúkrunarfræðingur, sjálfboðaliði með sérþekkingu í skaðaminnkun, bílstjóri og læknir sem sinnir bakvakt. Frú Ragnheiður er staðsett á höfuðborgarsvæðinu, Suðurnesi og Akureyri.
Neyslurýmið Ylja er skaðaminnkandi úrræði í Borgartúni 5 þar sem einstaklingar 18 ára og eldri geta notað vímuefni í öruggara rými. Í Ylju er bæði rými fyrir notkun vímuefna um æð og reykrými þar sem hægt er að reykja ópíóíða og örvandi vímuefni. Í Ylju er einnig hægt að fá hreinan búnað fyrir notkun vímuefna í æð og hreinan álpappír til að reykja, skaðaminnkandi leiðsögn frá starfsfólki og lágþröskulda heilbrigðisþjónustu.
Einstaklingar sem safna fyrir félagið
Nýir styrkir
















