Tilgangur samtakanna er að styrkja endurhæfingarstarfsemi þá, sem fram fer á Grensásdeild Landspítala Háskólasjúkrahúss eða í tengslum við hana. Það er gert með öflun fjár til kaupa á nauðsynlegum tækjum og búnaði og eins með því að vekja athygli á mikilvægi deildarinnar. Þetta starf hefur borið góðan árangur, sem meðal annars birtist í ákvörðun ríkisstjórnarinnar tvöfalda húsnæði Grensásdeildar. Sú viðbygging er nú í smíðum og miðar mjög vel.

Grensásdeild gegnir lykilhlutverki í íslensku heilbrigðiskerfi og flestar fjölskyldur á Íslandi þekkja til einhvers sem notið hefur þjónustu og aðstoðar deildarinnar við að endurheimta fyrri færni eftir alvarleg slys eða sjúkdóma.

Heimasíða félagsins er grensas.is.