DM félag Íslands er hagsmunafélag sjúklinga með DM sjúkdóminn (Myotonic dystrophy) og aðstandenda þeirra. DM er erfðasjúkdómur og er algengasti vöðvarýrnunarsjúkdómurinn í fullorðnum þó sjaldgæfur sé. Sjúkdómurinn er fjölkerfa sjúkdómur sem hefur áhrif á mörg kerfi líkamans. Engin lækning er til við DM sjúkdómnum enn sem komið er og einungis hægt að meðhöndla og milda einkennin hjá þeim sem greinast með sjúkdóminn.
Helstu markmið DM félags Íslands er að veita DM sjúklingum og aðstandendum þeirra stuðning, auðvelda aðgang að upplýsingum og fræðslu um DM sjúkdóminn og stuðla að aukinni þekkingu fagfólks og annarra á DM sjúkdómnum.