Ölver, sumarbúðir KFUM og KFUK, stefna á að byggja nýtt íþróttahús fyrir börnin sem þangað koma. Gamla íþróttahúsið er því miður ekki lengur nothæft og stefnum við að því að hefja framkvæmdir á því nýja á næstu árum.

Ölver reiðir sig á sjálfboðavinnu og stuðning velunnara til að halda starfi sínu gangandi. Fjölmargir leggja sumarbúðunum lið með sjálfboðavinnu ár hvert. Hver króna sem er sett í starfið margfaldast þannig og skilar sér í gefandi og þroskandi æskulýðsstarf.

Sveinusjóður var stofnaður til þess að reisa nýjan leikskála og heitir hann eftir Sveinbjörgu Arnmundsdóttur sem helgaði lífi sínu sumarbúðunum og starfaði þar í yfir 50 ár.