Astma- og ofnæmisfélag Íslands var stofnað 1974 til að berjast fyrir hagsmunum þeirra sem eru með astma og ofnæmi. Skrifstofa félagsins er að Borgartúni 28a, 105 Reykjavík (í húsi SÍBS) og sinnir starfsmaður félagsins erindum þar á mánudögum kl. 9-15. Félagið talar máli sjúklinga með astma og ofnæmi við yfirvöld heilbrigðismála, kennslumála og aðra áhrifahópa í þjóðfélaginu. Félagið heldur úti fræðslu og upplýsingaflæði með heimsóknum í skóla og leikskóla, gegnum heimasíðu, FB og spjallmennið Spjall Ara, auk þess að halda fræðslufundi og gefa út tímarit. AO er félagsmönnum innan handar er snýr að persónulegri ráðgjöf. Styrktarsjóður félagsins styrkir rannsóknir og starfsþjálfun heilbrigðisstarfsfólks á sviði astma og ofnæmis og styður við lækna í sérnámi í ofnæmis- og ónæmislækningum. Einnig vinnur félagið að málefnum er snúa að loftgæðum, innan og utanhúss. Félagið á aðild að ÖBÍ réttindasamtökum, SÍBS og norrænu samstarfi sjúklinga með astma og ofnæmi sem og EFA (www.efanet.org). Félagið er öllum opið og er félagsgjöld fyrir kr. 3000, hálft gjald fyrir börn, ellilífeyrisþega og öryrkja. Heimasíða félagsins er www.ao.is.