Fyrir rúmlega tveimur árum greindist konan mín, Sandra Guðmundsdóttir, með ME sjúkdóminn eftir að hafa farið til fjölda heimilis- og sérfræðilækna til að leita orsaka á þeim veikindum sem höfðu verið að hrjá hana um árabil.

ME er skammstöfun fyrir „Myalgic Encephalomyelitis“. Heitið stendur fyrir, „Myalgic“ sem þýðir vöðvaverkir og Encephalomyelitis sem stendur fyrir bólgur í heila og/eða mænu. Helstu einkennum er líst á þennan hátt á heimasíðu ME-félagsins

„ ... yfirþyrmandi þreyta, oft í kjölfar andlegrar eða líkamlegrar áreynslu; svefntruflanir, verkir, minnistruflanir, viðkvæmni gagnvart ljósi, snertingu og hljóði; erfiðleikar við að standa lengi og stundum jafnvægistruflanir, óregla á líkamshita og líkamsþyngd; flensulík einkenni sem vara að minnsta kosti í sex mánuði hjá fullorðnum eða þrjá mánuðu hjá börnum.“

Listinn yfir önnur þekkt einkenni er þó enn lengri en það sem kemur fram í þessari upptalningu.

Inn á milli koma þó góðir dagar, en þá leggur Sandra sig fram um að gera eitthvað með börnunum(sem hún sjaldnast hefur þrek til, þótt aldrei skorti viljann), snúast fyrir heimilið eða hitta vini og ættingja. Á þessum dögum ber hún sjaldnast með sér að nokkuð sé að hrjá hana, en svo þegar heim er komið að kvöldi er orkubúskapur líkamans svo lélegur að það getur tekið fleiri daga og í verstu tilfellum vikur að ná upp þreki til að sinna einföldustu heimilisstörfum.

Í fyrra ákvað ég að stíga langt útfyrir þægindarammann og skrá mig í 10km í Reykjavíkurmaraþoninu, ég bæði náð markmiði mínu þá í söfnuninni og komst líka í mark. Ég ákvað því að endurtaka leikinn í ár og vekja um leið athygli á málstað ME-félagsins og skjólstæðinga þess og vonandi safna einhverjum áheitum til styrktar félaginu til að gera því kleift að auka skilning og þekkingu samfélagsins á þessum ömurlega sjúkdómi sem rænir svo marga lífsgæðum sem við flest lítum á sem sjálfsögð.

Heimasíða ME-félagsins - https://www.mefelag.is/

Góðgerðarmál

ME félag Íslands

Samtals Safnað

Fjöldi áheita

Einstaklingar sem safna fyrir félagið

Örvar Jóhannsson

Samstarfsaðilar