Sjóður til styrktar blóð-og krabbameinslækningadeild 11EG Landspítala

Blóð-og krabbameinslækningadeild 11EG er 30 rúma legudeild. Á deildinni fer fram greining og meðferð blóðsjúkdóma og krabbameina auk einkenna- og stuðningsmeðferðar vegna fylgikvilla sjúkdóma og meðferða. Skjólstæðingar deildarinnar eru á öllum stigum sjúkdómsferilsins og glíma við fjölbreytt og oft flókin viðfangsefni. Í  allri starfsemi deildarinnar  er lögð áhersla á stuðning við sjúklinga og aðstandendur, fræðslu, þverfaglega teymisvinnu og markvisst gæða- og umbótastarf.

Framlög í sjóðinn nýtast til að bæta aðbúnað og líðan sjúklinga og aðstandenda þeirra á deildinni. Sjóðurinn gerir deildinni kleift að styðja við verkefni og úrbætur sem auka vellíðan og lífsgæði þeirra sem dvelja á 11EG.