Minningarsjóður Ibrahim Shah er almannaheillafélag sem stofnað var til þess að stuðla að öruggara umhverfi fyrir börn í umferðinni.  Félagið ætlar að koma að breytingum á reglugerðum sem varða vinnubílaumferð á svæðum almennings, ýta undir að barnasvæði verði bíllaus í framtíðinni og hvetja sveitafélög að setja öruggar leiðir fyrir börn til og frá skóla og frístund í forgang. 

Félagið vill þar að auki búa til griðarstað til minningar um Ibrahim, húsnæði staðsett á höfuðborgarsvæðinu fyrir fólk innan og utan trúfélaga til að finna sér samfélag og aðstoð í gegnum erfiðar stundir.

Vefsíða er í vinnslu þar sem hægt verður að fylgjast með verkefnum félagsins og fjölskyldu Ibrahims sem ætla sér að halda uppi minningu hans m.a. ætlar mamma hans að skrifa bók tileinkaða honum.