Almannaheillafélagið Vonarbrú var stofnað nú á vordögum í framhaldi af óformlegu hjálparstarfi Kristínar S. Bjarnadóttur hjúkrunarfæðings sem hefur verið í sambandi við fjölmargar ungar stríðshrjáðar barnafjölskyldur á Gaza nú í meira en ár.

Tilgangur Vonarbrúar

Tilgangurinn er m.a. að styrkja stríðshrjáðar fjölskyldur á Gaza til kaupa á mat, hreinlætisvörum, heilbrigðisþjónustu, fatnaði eða öðru skjóli. Svo og til greiðslu húsaleigu, skólagjalda eða fargjalda.

Hvernig komast styrkirnir til fjölskyldnanna?

Styrkir eru sendir beint til fjölskyldnanna á staðfesta söfnunarreikninga þeirra eða með bankamillifærslum. Rúmlega árs reynsla er komin á fyrirkomulagið og hefur fólk fengið styrki sem annars hefði ekki haft neina aðstoð, enda er alþjóðlegum hjálparstofnunum meinað að hjálpa.

Stuðningur byggist á því að fyrst sé staðsetning fólksins á Gaza staðfest með myndsímtölum. Vinátta og tengsl eru ræktuð í gegnum samfélagsmiðla og myndsímtöl eftir því sem kostur er.