Hollvinasamtök Sjúkrahússins á Akureyri voru stofnuð í desember 2013. Markmið þeirra er að styðja og styrkja starfsemi sjúkrahússins en það gegnir mjög mikilvægu samfélagslegu hlutverki, sérstaklega á Norður- og Austurlandi.  Samtökin standa fyrir fjáröflun til kaupa á tækjum og búnaði fyrir sjúkrahúsið sem nýtist bæði sjúklingum og starfsfólki. Jafnframt stuðla samtökin að eflingu starfseminnar á opinberum vettvangi í samráði við framkvæmdastjórn sjúkrahússins.